మీ బాడీలో ఖనిజ లవణాల లోపం తలెత్తితే ఎలాంటి వ్యాధులు వస్తాయో తెలుసా..?

హెల్త్ ఎక్స్ పర్ట్ : ఖనిజాలు మన శరీరంలో జరిగే రసాయనిక ప్రక్రియలకు అత్యవసరం. ఇవి ఒకరోజుకు అవసరమైనంత మోతాదులో లేకపోతే అనేక వ్యాధులు తలెత్తే ప్రమాదం ఉంది. ముఖ్యమైన ఖనిజాల లోపం వల్ల కలిగే తీవ్ర ప్రభావాల గురించి తెలుసుకుందాం.. 

ముఖ్యమైన ఖనిజాల లోపం వల్ల వచ్చే వ్యాధులు..

ఇనుము లోపం (Iron Deficiency)..దీని వల్ల రక్తహీనత (Anemia) వస్తుంది. ఎర్ర రక్త కణాల సంఖ్య తగ్గిపోవడం వల్ల ఆక్సిజన్ సరఫరా దెబ్బతింటుంది.

లక్షణాలు ఎలా ఉంటాయంటే.. తీవ్రమైన అలసట, నీరసం, ఊపిరి ఆడకపోవడం.

కాల్షియం లోపం (Calcium Deficiency)..ఇది ఎముకల బలహీనతకు (Osteoporosis) దారితీస్తుంది. ఫలితంగా ఎముకలు విరగడం, కీళ్ల నొప్పులు వస్తాయి.

అయోడిన్ లోపం (Iodine Deficiency)..దీని వల్ల థైరాయిడ్ గ్రంథి వాపు (Goiter) వస్తుంది. దీని వల్ల శరీరంలో రసాయనిక ప్రక్రియలు నెమ్మదిస్తాయి.

పొటాషియం లోపం (Potassium Deficiency)...ఇది కండరాల తిమ్మిర్లు (Muscle Cramps), బలహీనతకు కారణమవుతుంది.

జింక్ లోపం (Zinc Deficiency)..ఇది చర్మ, జుట్టు సమస్యలు (Skin & Hair Issues) తలెత్తుతాయి. జుట్టు రాలడం, గాయాలు మానడానికి ఎక్కువ సమయం తీసుకోవడం వంటి లక్షణాలు కనిపిస్తాయి.