మన వంటింట్లో, సంప్రదాయ ఆయుర్వేదంలో ఉసిరికి ప్రత్యేక స్థానం ఉంది. సముద్ర మథనం సమయంలో అమృత బిందువులు నేలపై పడి ఉసిరి చెట్టుగా మొలిచిందనే పౌరాణిక కథ ప్రచారంలో ఉంది. కథ ఏదైనా, పోషకాల పరంగా చూస్తే ఉసిరి శరీరానికి నిజంగానే అమృతంతో సమానం. ఒక చిన్న ఉసిరికాయలో మూడు నారింజ పండ్లు లేదా 16 అరటిపండ్లలో ఉండే దానికంటే ఎక్కువ విటమిన్-సి లభిస్తుంది. ఉసిరిలో దాగిన పోషక విలువలుఉసిరిని పోషకాల 'పవర్‌హౌస్'గా పిలుస్తారు. ఇందులో కేవలం విటమిన్-సి మాత్రమే కాకుండా ఆరోగ్యానికి రక్షణ కల్పించే ఎన్నో బయోయాక్టివ్ కాంపౌండ్స్ ఉన్నాయి.
విటమిన్లు, ఖనిజాలు..విటమిన్-సి తో పాటు విటమిన్-ఎ, కాల్షియం, ఐరన్, మెగ్నీషియం, పొటాషియం సమృద్ధిగా లభిస్తాయి.
యాంటీఆక్సిడెంట్లు..పాలీఫెనాల్స్, ఫ్లేవనాయిడ్స్, టానిన్లు శరీరంలోని ఫ్రీ రాడికల్స్‌తో పోరాడి ఆక్సీకరణ ఒత్తిడిని (Oxidative Stress) తగ్గిస్తాయి. ఫైబర్..జీర్ణక్రియను మెరుగుపరిచే పీచు పదార్థం ఇందులో పుష్కలంగా ఉంటుంది. రోజూ ఒక ఉసిరికాయ తింటే శరీరంలో జరిగే మార్పులువరుసగా 30 రోజుల పాటు ఉసిరిని ఆహారంలో భాగం చేసుకుంటే శరీరంలో సానుకూల మార్పులు కనిపిస్తాయి.
జీర్ణక్రియ మెరుగుపడుతుంది..ఉసిరిలో ఉండే ఫైబర్ మలబద్ధకం సమస్యను నివారించి ప్రేగుల కదలికలను సులభతరం చేస్తుంది. రోగనిరోధక శక్తి పెరుగుతుంది. నిరంతరం అందే విటమిన్-సి శరీర రోగనిరోధక వ్యవస్థను బలోపేతం చేసి తరచూ వచ్చే జలుబు, ఇన్‌ఫెక్షన్ల బారిన పడకుండా కాపాడుతుంది.
మెరిసే చర్మం..విటమిన్-సి శరీరంలో కొల్లాజెన్ ఉత్పత్తికి అత్యంత అవసరం. ఇది చర్మం సాగే గుణాన్ని (Elasticity) కాపాడుతూ ముడతలు రాకుండా నివారిస్తుంది. గుండెకు మేలు..రక్తంలో చెడు కొలెస్ట్రాల్‌ను తగ్గించడంలో, రక్తంలో చక్కెర స్థాయిలను అదుపులో ఉంచడంలో ఉసిరి కీలక పాత్ర పోషిస్తుంది.